Wiesenfest 2017 - nass, trotzdem schön

Eine Nachlese in Fotos und bewegten Bildern.

Die Namen der Alben geben nur den Schwerpunkt wieder. In allen Alben findet Ihr Fotos von Besuchern, Kindern, Maskierten, Geschminkten, Trinkenden, Lachenden, Akteuren und Begleitern, Feiernden, sich Freuenden, Entspannten, Arbeitenden und denen , die fotografiert werden wollten ...

Bilder vom Freitag, den 30.06.2017



Bilder vom Samstag, den 01.07.2017



Bilder vom Sonntag, den 02.07.2017





Vorstand, Helfer, Freunde und ......
Vorstand, Helfer, Freunde und ......

Jet för hingerdren ...

Drei Dach Wiesefest, drei Dach Rähn.

 

Et Wedder wo ens widder ärch mau. Ever wat ene echte Kölsche is, dem mät och jet Rähn nit vill us.

 

Dat Pittermännche stund trocken, die eetsten Kölsch woren jut köhl und nass.

Koot dernoh hät es ald widder jerähnt.

Ever dem "Jupp Schönberger" un dem "Männerchor Eintracht Porz" määt sujet nix us.

Die han jesunge als wör et Sönnche am singe. Und nit all, äver vill han mitjesunge (Et mot jo och d'r eine oder andere ens jet trinke).

Et wor halt widder 'ne schöne Ovend

 

Am Samsdach wor et Wedder och nit vill besser. Et wore e paar Pänz do, die Spass hatte un e paar Eltern, die nass woode.

Die Pänz vun d'r "SpVg Wahn-Grengel" un die "Wibbelstätze" uns Wahn hatte jedanzt und moote anschließend eesch jewasche wäde. 

Un natürlich wohren och uns "Rahmkamellche" widder d'r Höhepunkt om Samsdach Nachmeddach.

 

Do wor doch noch jet. - Stemmt - D'r TuS Langel hat Jebotsdaach - 90 Johr. Ich han ens versök ze zälle. Alle Spieler woren  zesamme dann doch e bissje älder. Dafür woren se och alle do. Och Cullmanns Jupp und Webers Heinz wore jekumme.

Et jov Autogramme, Fotos woode jemaat und e Tricko wood versteijert  (Hät d'r Pfeiffers Tom dann doch noch jekräje).

 

Und dann wod wigger jefeert.

 

Oveds föhlte m'r uns widder jung. Die "Firebirds" spillte nen ehrliche Rock'n'Roll. "Kansas City blues", "Blue suede shoes", oder "Halbstark" - nä wor dat schön.

 

Hat ich jet verjesse. Jenau, mer han och widder en Wieskönigin. Ob die weis, wat se nächs Johr all donn kann. Die kütt nämlich vun de "Wibbele". 

 

Dann bliev noch d'r Sonndaach.

"Drops" kom ja nit me mit blaue Kurven ze mohle.

De "Blau Wiesse Funke", de "Riehler Lotterboove " un de "Rahmkamellche" han jedanzt. Et is Jott sei Dank keiner usjerötsch oder jefalle.

Se han et all wider jood jemaat.

Et jov e lecker Kölsch, und och jet ze müffele. Jet später jov och noch Kaffe und Kooche  und Waffele.

 

Und dann wor et esu wigg. Die Preise vun d'r Tombole woode usjejovve.

2 Preise woode mi'm Telefon verlost. Ene Godsching für die "Lachende Kölnarena" und ene Fernseher.  Alle die en Niete

jezochen hatte, kunnten en Telefonnummer op de Rücksigg schrieve, die Niet in en Goos schmiesse und dorus wood dann jelost.

Und beide Jewinner woore noch om Festplatz und kunnten die Preise direkt mit no Hus nemme. Bei dem Fernseher wor dat ja nit esu einfach.

 

Um sechs Uhr Wood afjebaut und dat Fest wor för dies Johr widder vorbei. Et jeht och immer esu schnell.

 

Na ja, vorbei wor et noch nit esu janz.  Bis üvver Mitternaach wood avjebaut. Et wore halt wider nur e paar Mann do.  Villeich klappt dat jo nächts Johr besser und et helfen e paar mieh mit.

 

Ever sönst wor et wider schön wie immer!!

 

Ör Chronist